بۆچی ئێمە هەڵبژێرە؟

هۆکاری دروستکردنی ئەم پڕۆژەیە؟

 هۆکاری دروستکردنی ئەم پڕۆژەیە بۆ چارەسەرکردنی ئەو ئاستەنگانە بوو کە ڕووبەڕووی مامۆستایان بووەوە لە کەرتی پەروەردەدا بەهۆی پێشکەوتنی ئینتەرنێت و پێشکەوتنە تەکنەلۆژییەکان. وەک مامۆستایەکی کورد

 لە دۆزینەوەی سەرچاوەی گونجاودا تووشی ئاستەنگی بووم، لەوانە نەبوونی کەرستەی ئۆنلاین بە زمانی کوردی و پێویستی بەسەربردنی چەندین کاتژمێر بۆ دروستکردنی کەرەستە لەسەر کۆمپیوتەر.
وەک مامۆستایەکی کوردی لە قوتابخانەیەکی نێودەوڵوتی هەولێر، خوێندکارانی کێشەیان هەبوو بۆ دەستگەیشتن بە سەرچاوە و کەرەستەی پاڵپشتی فێربوونیان، هەروەها دایک و باوکیان داوای سەرچاوەیەکیان کرد بۆ ئەوەی یارمەتیان بدات بۆ فێربوونی زمانی کوردی.
ئەم هۆکارانە وایکرد کە مامۆستایان قورس بێت کە سەرنجیان لەسەر چالاکیی و پرۆسەکانی وانەوتنەوە بێت.
لە ساڵی یەکەمی وانەوتنەوەمدا بۆ بەڕێوەبردنی پۆل بە هۆی کەمی سەرچاوەی بەڕێوەبردنی پۆل بە ئۆنلاین بە زمانی کوردی سەختیم بینی و ئاسان دەستم نەدەکەوت.
بۆیە ئەم پرۆژەیەمان بۆ دابینکردنی سەرچاوەی پێویست بۆ مامۆستایان و قوتابیان بۆ باشترکردنی ئەزموونی وانەوتنەوە و فێربوون دروستکرد